Tibbiy afsonalar

Tibbiy afsonalar.

⠀

Bu ommabop tibbiy afsonalarni ko‘p marta eshitganmiz, keling, bugun ularni siz uchun fosh etamiz.

⠀

1-AFSONA.

Ukol tabletkadan yaxshiroq ta’sir qiladi.

⠀

Bugungi kunda isbotlanganki, kortikosteroidlar, B12 vitamini va nosteroid yallig‘lanishga qarshi vositalar tabletka shaklida ichilganda ham, mushak ichiga inyeksiya qilib yuborilganda ham bir xil samara beradi.

⠀

2-AFSONA.

Sabzi ko‘rishni yaxshilashi mumkin.

⠀

Sabzida haqiqatan ham A vitamini ( ko‘rish uchun javob beradigan ) bor, ammo bu vitaminni ko‘p miqdorda iste’mol qilish ko‘rishni yaxshilamaydi.

⠀

3-AFSONA.

Yangi uzilgani har doim muzlatilganidan yaxshi.

⠀

Aslida muzlatilgan meva va sabzavotlar barcha oziq moddalarini saqlab qoladi.

Yangi sabzavot va mevalar esa peshtaxtada turganda oziqaviy xususiyatlarini yo‘qotadi, chunki ular uzoq vaqt iliq va nam havoda qoladi.

⠀

4-AFSONA.

Soch-tuk qirib tashlansa, tezroq o‘sa boshlaydi, qorayib, dag‘allashadi.

⠀

1928-yilda o‘tkazilgan klinik tadqiqotlar qirish soch-tuk o‘sishiga ta’sir qilmasligini ko‘rsatgan.

⠀

5-AFSONA.

Og‘riq qoldiruvchi dorilarni faqat og‘riq juda kuchli bo‘lgandagina ichish kerak.

⠀

Og‘riq qoldiruvchi dorilar og‘riq allaqachon kuchayib ketganda emas, balki u endi paydo bo‘layotgan boshlang‘ich bosqichda ichilganda samaraliroq bo‘ladi.